VOV4.Jarai-Khua mua git gai phun ping gah tơring čar Kon Tum phrâo nao mă bruă hăng khua mua git gai ping gah tơring glông Ngọc Hồi. Ƀơi mông mă bruă, khua mua git gai ping gah tơring glông Ngọc Hồi rơkâo kơ khua mua git gai ping gah tơring čar Kon Tum ăt pơtong glăi tơring glông Ngọc Hồi lir hơbit anom tuh tia pơkra pơjing bơwih ƀong amăng jang jơlan guai dêh čar jar kmar Bờ Y jing sa amăng hơdôm kual bơwih ƀong huă phun pơtrut Kon Tum pơđĭ kyar bơwih ƀong huă, djru kơ tơring glông dưi pơhưč lu anom bruă sĭ mơdrô nao tuh pơ alin mă bruă, pơđĭ kyar pơkra jơlan glông hiam nao rai, anom bruă pioh bơwih ƀong huă-mơnuih mơnam, rŭ glăi tơhnal pơtrun man pơdong tơring glông ngă djơ̆ plơi pla phrâo, plơi prong hnong IV.

Klah čun ƀơi mông jơnum, ơi Dương Văn Trang-Khua git gai ping gah tơring čar Kon Tum pơtrun hiăp kơ tơring glông Ngọc Hồi kơsem min lăng pơsir hĭ tơlơi dŏ gun, kơƀah amăng bruă pơtrut tơlơi bơwih ƀong huă-mơnuih mơnam; gleng nao kơ bruă pơđĭ kyar ngă hmua  ba yua boh thâo ia rơgơi, bơblih pơjeh djuai phun pla kiăng djơ̆ hăng gêh gal ayuh hyiăng, lŏn tơnah; sem lăng pok prong đơ đam pla phun mackka pioh pơtrut bơwih ƀong huă; git gai, pơčrâo brơi, ngă wkjăp glăi brơi 5 boh să dưi djơ̆ tơhnal pơtrun plơi pla phrâo ăt djă bong kjăp boh tơhnal anun hăng phrâo hloh ngă tui gru plơi pla phrâo hiam.

Nay Jek: Pơblang