VOV4.Jarai-Ƀrô tal ơi Nguyễn Xuân Phúc dưi ruah ngă Khua mir sir lŏn ia Cộng hòa xã hội chủ nghĩa Việt Nam, tlam lơ 5/4, Khua git gai ping gah, Khua mir sir dêh čar Lao, ơi Thounglun Sisoulith mơ-it hră bơni hơ-ơč hăng iâu telephôn pơpŭ.

Amăng hră mơ-it mơ̆ng Khua git gai ping gah, Khua mir sir Lao, ñu đăo kơnang lĕ, hăng tơlơi thâo, kơnuih hiam hăng bruă tom ngă sui thun mơ̆ng pô, Khua mir sir ơi Nguyễn Xuân Phúc hrŏm hăng ƀing khua mua phrâo dưi ruah đĭ amăng kơnuk kơna amra ba Việt Nam dưi tŭ mă boh tơhnal prong hloh, ngă tui truh kih Hră pơtrun Jơnum ping gah dêh čar tal XIII.

Bơ Khua dêh čar Khač, ơi Lý Khắc Cường mơ-it kông điện bơni hơ-ơč mơ̆n kơ ơi Nguyễn Xuân Phúc hăng Khua dêh čar ơi Phạm Minh Chính. Khua dêh čar Khač lăi amra ngă hrŏm tong ten tơlơi giăng mah mơ̆ dua boh dêh čar jĕ giăm sô̆ nao rai kơplah Việt Nam hăng Khač. Hrơi anun mơ̆n, Khua dêh čar Japan, ơi Suga Yoshihide ăt hơmâo hră kông điện mơ-it kơ Khua mir sir ơi Nguyễn Xuân Phúc hăng Khua dêh čar ơi Phạm Minh Chính.

Nay Jek: Pơblang