VOV4.Jarai-Mơguah lơ 8/4, ƀing pơ ala mơnuih ƀôn sang dêh čar pơsit hĭ Hră pơtrun pơđĭ bruă kơ-iăng khua dêh čar, hơdôm khua mua ding jum hăng ding kơna pơkŏn amăng kơnuk kơna rơwang bruă thun 2016-2021. 455 amăng mrô 459 čô pơ ala tŭ ư pơsit hră pơtrun, jing rơbêh 94% mrô khua mua pơ ala.

Pơpŭ bơnga bơni hơ-ơč kơ ƀing khua mua yua ƀing pơ ala mơnuih ƀôn sang dêh čar pơsit

Tui hăng anun, ƀing pơ ala mơnuih ƀôn sang dêh čar pơsit hĭ tơlơi rơkâo mơ̆ng ơi Phạm Minh Chính khua dêh čar brơi pơđĭ kơ-iăng khua dêh čar hăng Lê Minh Khái, ding kơna apăn bruă git gai ping gah dêh čar, khua hơđăp anom bruă Pel ĕp kơnuk kơna hăng ơi Lê Văn Thành ding kơna apăn bruă ping gah dêh čar, khua git gai ping gah ƀôn prong Hải Phòng. Hrơi anun mơ̆n, ƀing pơ ala mơnuih ƀôn sang pơsit bruă 12 čô ding kơna amăng kơnuk kơna.

            Nay Jek: Pơblang