VOV4.Jarai-Ăt amăng hơdră mă bruă, hrơi anai, lơ 30/3, Jơnum min git gai pơ ala mơnuih ƀôn sang dêh čar lăi pơthâo abih bang khua mua pơ ala pioh pơsit pơdơi bruă Khua git gai pơ ala mơnuih ƀôn sang dêh čar, Khua Khul ruah khua dêh čar.Tui hăng hơdră mă bruă, mơguah lơ 30/3, jơnum lok 11 khua mua pơ ala mơnuih ƀôn sang dêh čar tal XIV bơkơtuai ƀơi sang jơnum prong kơ Hră lăi pơthâo rơwang bruă thun 2016-2021 mơ̆ng Sang phat kơđi mơnuih ƀôn sang dêh čar, Anom ĕp kơđi mơnuih ƀôn sang dêh čar.

Či tlam lơ 30/3, ƀing pơ ala bơkơtuai amăng grup kơ bruă pơsit pơdơi bruă khua git gai pơ ala mơnuih ƀôn sang dêh čar, Khua khul ruah khua dêh čar; pơsit Tơlơi phiăn Pơhlôm, pơgăn ma tuý čih pơkra glăi. Jơnum min git gai pơ ala mơnuih ƀôn sang dêh čar lăi pơthâo boh tơhnal bơkơtuai giong mơ̆ng grup hăng pơblang rơđah, čih pioh tơlơi pơgôp hiăp mơ̆ng ƀing pơ ala kơ bruă brơi pơdơi bruă khua git gai pơ ala mơnuih ƀôn sang, Khua khul ruah khua dêh čar hăng hơdră plĕ hră hơgŏm.

Ăt amăng tlam lơ 30/3 mơ̆n, ƀing pơ ala bơkơtuai amăng grup kơ bruă ruah mơnuih tơbiă anăn, pioh ruah ngă khua git gai pơ ala mơnuih ƀôn sang dêh čar, Khua khul ruah khua dêh čar phrâo.

Nay Jek: Pơblang