VOV4.Jarai - Amăng hrơi mông mă bruă ƀơi hơdôm tơring čar kual Ngŏ kơdư, lơ 5/5, Khua pơ ala mơnuih ƀon sang dêh čar ơi Vương Đình Huệ, Khua khul pơphun plĕ hră ruah khua dêh čar hrŏm hăng grup hyu mă bruă mơng Ƀirô Khua pơ ala mơnuih ƀon sang dêh čar hơmâo pel ĕp kơ bruă prap lui hrơi plĕ hră ruah Khua pơ ala mơnuih ƀon sang dêh čar tal XV, Khua khul pơ ala mơnuih ƀon sang djop gưl rơwang thun 2021-2026 ƀơi anih plĕ hră mrô 4, plơi Thèn Pả, să Lũng Cú, tơring glông Đồng Văn laih dong mă bruă hăng khua mua tơring čar, Jơnum min plĕ hră ruah khua tơring čar Hà Giang; hơmâo nao čuă pơ alum pran jua ƀing ling tơhan ƀơi Puih tơhan wai pơgang guai Lũng Cú.

Đĭ pơhiăp amăng mông mă bruă, Khua pơ ala mơnuih ƀon sang dêh čar Vương Đình Huệ pơtă pơtăn tơring čar Hà Giang, amăng hrơi mông prap lui hrơi plĕ hră, samơ̆ ăt đing nao bruă pơđĭ kyar bơwih ƀong huă, mơnuih mơnam, pơhlôm hơđong amăng mơnuih mơnam. Amăng mông bưp khua mua pơ ala mơnuih ƀon sang hăng ană plơi pla, Khua pơ ala mơnuih ƀon sang dêh čar ơi Vương Đình Huệ pơtă, ƀing khua mua pơ ala mơnuih ƀon sang gơnong glông mơ̆ amra ruah ngă khua ƀơi ƀon lan, amăng 1-2 hrơi pơ anăp anai, sem lăng hlâo kơ bưp ană plơi pla, pơhlôm klă amăng bruă pơgang klin.

Siu Đoan: Pơblang