VOV4.Jarai - Tlam lơ 12/4, ƀơi Sang jơnum khua pơ ala mơnuih ƀon sang dêh čar pơphun jơnum lok 5, Khul wai lăng bruă ruah khua dêh čar. Khua git gai pơ ala mơnuih ƀon sang dêh čar ơi Vương Đình Huệ, Khua khul wai lăng bruă ruah khua dêh čar git gai mông jơnum. Anai lĕ mông jơnum blung a tơdơi kơ sa, dua čô khua mơng Khul ruah khua dêh čar hơmâo prăp lui giong. Khua git gai pơ ala mơnuih bon sang ơi Vương Đình Huệ, Khua khul ruah khua dêh čar ta pơsit, hrơi mông mơng anai truh hrơi pơphun ruah khua pơ ala mơnuih ƀon sang dêh čar tal 15 hăng Jơnum min pơ ala mơnuih ƀon sang djŏp gưl rơwang thun 2021-2026 dŏ ƀiă laih, hơmâo lu bruă prong biă, ƀơi mông jơnum anai ding kơna Jơnum min ruah khua hơmâo hmư̆ hăng bơkơtuai kơ bruă pok pơhai bruă mă tơdơi mông jơnum khua wai lăng bruă ruah khua dêh čar tal 4 truh ră anai; hmư̆ tơlơi lăi glăi bruă prăp lui Jơnum pơčrông sai tal 3; pơgôp hiăp kơ sa, dua bruă prong kiăng kơđiăng lui pioh ngă tui amăng hrơi blan pơ anăp. Khua git gai pơ ala mơnuih ƀon sang ơi Vương Đình Huệ kiăng, pơtrut tui bruă pôr pơhing ruah khua, kiăng hrơi ruah khua jing hrơi mơ-ak mơng abih bang mơnuih ƀon sang.

Siu H’Mai: Pơblang