VOV4.Jarai - Mơguah lơ 17/5/2021, ƀơi Ƀirô Khua pơ ala mơnuih ƀon sang dêh čar, ơi Vương Đình Huệ mă bruă hăng Khul djru mơnuih ƀon sang gah Jơnum min apăn bruă Khua pơ ala mơnuih ƀon sang dêh čar. Ơi Vương Đình Huệ lăi pơtong, bruă djru brơi mơnuih ƀon sang sit biă ñu lĕ bưp djru bruă mơnuih ƀon sang amăng thun blan lai rơgao hơmâo pơgôp Jơnum min apăn bruă Khua pơ ala mơnuih ƀon sang dêh čar ngă tui bruă krăo lăng, pơsir kơđi tơlơi, tơlơi rơkâo mơng mơnuih ƀon sang klă hloh, mơng anun pơtrut lăi pơthâo mơng djop anom bruă, biă mă ñu lĕ ƀing khua mua lơ̆m hơmâo tơlơi ƀom kiơng, tơlơi rơkâo mơng mơnuih ƀon sang, hăng hơmâo mơnuih ƀon sang tŭ ư; pơgôp ba glăi tơlơi dưi hrŏm amăng rơwang Khua pơ ala mơnuih ƀon sang dêh čar tal 14.

Pơ anăp anai, Khul djru brơi mơnuih ƀon sang kiăng kơ pơsit bruă yôm phun, biă mă ñu lĕ mơng anun truh hrơi pơphun plĕ hră ruah Khua pơ ala mơnuih ƀon sang dêh čar tal 15 hăng khua Khul pơ ala mơnuih ƀon sang djop gưl rơwang thun 2021-2026. Khua pơ ala mơnuih ƀon sang dêh čar ơi Vương Đình Huệ lăi pơtong, Khul djru brơi mơnuih ƀon sang kiăng pơjing akŏ bruă tong ten kiăng kơtưn ngă klă, ba glăi tŭ yua amăng thun blan pơ anăp, mơ-it Khua pơ ala mơnuih ƀon sang dêh čar tal 15 kiăng kơ čih amăng jơlan hơdră bruă mă mơng Ping gah Khua pơ ala mơnuih ƀon sang dêh čar kiăng kơ tŏ tui tơlơi dưi hơmâo ngă laih rơgao.

Siu Đoan: Pơblang