VOV4.Jarai - Mơguah lơ 14/4, Khua pơ ala mơnuih ƀon sang dêh čar ơi Vương Đình Huệ, Khua khul pơphun plĕ hră ruah khua dêh čar, hrŏm hăng grup hyu hơduah ĕp mơng Jơnum min Khua pơ ala mơnuih ƀon sang dêh čar, Khul pơphun plĕ hră ruah khua dêh čar mă bruă hăng Jơnum min plĕ hră ruah khua tơring čar Quảng Ninh. Khua pơ ala mơnuih ƀon sang dêh čar ơi Vương Đình Huệ rơkâo, tơring čar Quảng Ninh pơphun bruă plĕ hră djơ̆ hăng tơlơi pơkă, djă pioh na nao tơlơi dưi ngă pô mơng mơnuih ƀon sang, lăi pơthâo rơđah, pơhlôm hơgŏm kjăp hră pơ-ar hăng thâo pơkrem, kiăng kơ hrơi plĕ hră ruah khua jing hrơi jơnum pơƀut mơ-ak amăng abih bang mơnuih. Khua pơ ala mơnuih ƀon sang dêh čar ơi Vương Đình Huệ đăo gơnang, Quảng Ninh amra pơphun hiam klă tal plĕ hră ruah Khua pơ ala mơnuih ƀon sang dêh čar tal XV hăng khua khul pơ ala mơnuih ƀon sang djop gưl rơwang thun 2021-2026, hăng hơnong pơkă, mơnuih ƀon sang nao plĕ hră lu hloh; pơhlôm klă hloh; tŭ ư hrŏm; ruah mơnuih thâo rơgơi mă bruă.

Siu Đoan: Pơblang