VOV4.Jarai-Khua mua git gai ping gah dêh čar ngă hră kông điên kơtưn pơhlôm pơgang klin Covid 19. Tui hăng anun, khua mua git gai ping gah dêh čar pơtrun hiăp djop sang bruă ping gah, anom bruă khul ping gah, gong gai kơnuk kơna, sang bruă djop djuai ania mơnuih mơnam hăng khul grup mơnuih mơnam mut phung brơi git gai, pơtô lăi hăng pơphun ngă tui 6 mơta bruă yom, pok pơhai ngă tui khut khăt, tơpă ară djơ̆ hăng tơlơi pơčrâo mơ̆ng Khua mua git gai ping gah dêh čar, Khua dêh čar, Khul khua git gai bruă pơhlôm, pơgang klin kheng Covid 19 laih anun tơlơi pơtô mơ̆ng Ding jum ia jrao;

Anăm ngă amưng ôh, kŏn lăng tơdu lơi hŭi ngă rơngiă tơlơi răng kơđiăng amăng bruă pơhlôm, pơgang klin duăm ruă, boh nik ñu hơdôm hrơi pơdơi prong dêh čar ta pơphun lơ 30/4 hăng hrơi jar kmar pơdơi mă bruă lơ 1/5 ăt kah hăng prăp lui bruă ruah khua pơ ala mơnuih ƀôn sang dêh čar tal XV hăng ƀing pơ ala mơnuih ƀôn sang djop gưl thun 2021-2026;

Kơtưn ĕp lăng, hyu sem, pơtong glăi tong ten jơlan guai dêh čar, amăng jang guai dêh čar, tơdrun kompăn ia rơsĭ. Ngă tui djop hơdră pơhlôm pơgang klin duăm ruă djơ̆ hăng Ding jum ia jrao pơtô lăi laih anun đŭ prăk bơkơhmal hlơi ngă soh, ĕp bruă gơgrong ba mơ̆ng sang bruă, pô hlơi ngă soh amăng bruă pơhlôm, pơgang klin; Git gai tañ ngă tui klă bruă tlâ̆o ia jrao vaccine pơgang klin Covid 19; laih diw\ng ăt pơtrut pơtô pơblang, pơđĭ tui tơlơi thâo hluh kơ mơnuih ƀôn sang amăng bruă ngă tui hơdôm hơdră pơhlôm, pơgang klin Covid 19.

Nay Jek: Pơblang