VOV4.Jarai-Mơguah lơ 31/3, ƀơi Hà Nôị, Jơnum ruah khua khul đah kơmơi ngă bruă sĭ mơdrô Việt Nam, iâu klah čun VAWE tal 2. Kơ-iăng khua dêh čar ơi Trương Hòa Bình nao jơnum hăng đĭ pơhiăp git gai jơnum. Tui hăng tơlơi jŭ yap ră anai, Việt Nam hơmâo năng ai rơbêh 30% mrô đah kơmơi ngă khua sang bruă sĭ mơdrô pơprong, mrô anai ƀu ƀiă ôh.

Rơwang bruă rơgao, amăng bruă mă sĭ mơdrô, ƀing đah kơmơi khua sang bruă sĭ mơdrô hơmâo pơsir lu bruă tơnap tap amăng sang bruă gơñu pô, ƀu hơmâo tơlơi ĭn dŏ tơguan arăng djru brơi ôh….Đĭ pơhiăp amăng mông jơnum, ơi Trương Hòa Bình, Kơ-iăng Khua dêh čar lăng yom jơnum ruah khua tal 2 anai mơ̆ng khul đah kơmơi mut phung ngă bruă sĭ mơdrô Việt Nam; rơkâo, Khul đah kơmơi mut phung sĭ mơdrô lăi pha, khul đah kơmơi mut phung lăi hrŏm ngă bruă djơ̆ tơlơi phiăn, tơpă laih anun gơgrong ba bruă mă hăng Kơnuk kơna, kiăng pơgang tơlơi tŭ yua kơ mơnuih mă bruă, sĭ mơdrô, pơkra ming gơnam sĭ mơdrô kiăng pơđĭ kyar hơđong kjăp laih anun akŏ pơjing khul đah kơmơi mut phung sĭ mơdrô djă gru hăng gơgrong kjăp kơnuih djuai ania Việt Nam.

Nay Jek: Pơblang