VOV4.Jarai - Git gai bruă jơnum Grŭp črâo ba bruă pơgang pơgăn klin Covid-19 pơphun mơguah (10/5) ƀơi ƀirô mă bruă Kơnuk kơna, Kơ-iăng Khua dêh čar ơi Vũ Đức Đam pơtă pơtăn hơdôm bôh tơring čar, ƀôn prong khom đing nao pha ra bruă pơgang pơgăn klin ƀơi hơdôm anih anom bơwih ƀong huă sĭ mơdrô, kual sang măi, sang ia jrao, sang čhơ, anom sĭ mơdrô prong, biă ñu lom Ding jum ia jrao čih pioh tơlơi lar hyu klin ruă tañ hloh ƀơi hơdôm anih anom sang hră gôm sir klep, lu mơnuih. Ră anai hmâo 26 bôh tơring čar, ƀôn prong dêh čar ta glăk hmâo klin Covid-19 ngă. Klin ruă dô̆ ngă sui, akă dưi pơsit ôh hơbin pơđut klin, Jơnum min mơnuih ƀôn sang hơdôm bôh tơring čar, ƀôn prong khom kơtưn pel ĕp, lăng tui, pơtrut pơsur hơdôm bôh anom ngă rai gơnam tam ƀơi plơi pla tơpă ngă tui tơlơi pơsit mơng Grŭp črâo ba bruă pơtô brơi pơgang pơgăn hăng pơsit tơhnal amra lar hyu klin kơ mơnuih mă bruă thâo ƀơi anih mă bruă hăng anih čơđai gưl dlông dô̆ kơ mơnuih mă bruă. Hăng hơdôm anih anom amra hmâo klin lar tưp prong kah hăng: Sang ia jrao, sang čơ, anih anom sĭ mơdrô prong khom ngă tui tơpă hơdôm tơlơi pơkă pơgang klin dưi hmâo laih Ding jum ia jrao dêh čar ta pơtô brơi./.

Siu H’ Prăk: Pô pơblang