VOV4.Jarai - Lơ 1/4, dêh čả Việt Nam tŭ mă 811 rơbâo 200 liều vaccine pơgang Covid-19 blung a mơng Covax Facility hăng tơlơi gum djru mơng UNICEFF, WHO, GAVI hăng CEPI, anăn anom pơkra vaccine hăng hơdôm bơnah gum hrom kiăng pơhlôm hơdôm bôh dêh čar leng kơ dưi hmâo vaccine dưm kơnar hăng ba glăi bôh tơhnal. Amăng mông ngă Lơphet tŭ mă vaccine pơgang Covid-19 ƀơi Hà Nội, Kơ-iăng Khua dêh čar ơi Vũ Đức Đam mơ-ĭt tơlơi bơni kơ hơdôm bôh dêh čar hăng hơdôm khul grŭp jar kơmar hmâo djru vaccine pơgang Covid-19 kơ Việt Nam, hrom hăng anun pơsit Việt Nam sit ñu mă yua ba glăi bôh tơhnal tui djơ̆ pran jua dưm kơnar vaccine. Pơkă hlâo, rơbêh kơ 3 klăk 300 rơbâo liều vaccine amra dưi čơkă mă amăng blan 5 pơ̆ anăp, tơdơi kơ anun amra dưi pơpha hyu hăng sĭ kơ Việt Nam amăng rơnuč thun 2021./.

Siu H’ Prăk: Pô pơblang