VOV4.Jarai - Kơ-iăng Khua dêh čar ta ơi Trương Hoà Bình, Kơ-iăng Khua Khul wai lăng bruă ruah khua dêh čar ta phrâo pel ĕp bruă ruah khua pơ ala Khua pơ ala mơnuih ƀôn sang dêh čar ta tal 15 hăng Jơnum min pơ ala mơnuih ƀôn sang hơdôm gưl rơwang bruă 2021-2026 ƀơi tơring čar Đồng Tháp.

Kơ-iăng Khua dêh čar ta ơi Trương Hoà Bình, Kơ-iăng Khua Khul wai lăng bruă ruah khua dêh čar ta đĭ pơhiăp amăng mông mă bruă

Pơhiăp amăng mông mă bruă, Kơ-iăng Khua dêh čar ta ơi Trương Hòa Bình pơsit yôm bruă prăp lui ruah khua mơng Đồng Tháp hmâo đing nao git gai, pơphun pok pơhai hơdôm bruă mă kơjăp, ha amăng plĕ, pơhlôm djơ̆ rơnoh hăng tơlơi kiăng ba tơbiă. Hmâo kiăo tui djơ̆ kơčăo bruă, djơ̆ glông hơdră tui Tơlơi phiăn ruah khua, Tơlơi pơtrun pơsit hăng hơdôm hră pơ-ar pơtô ba mơng Khul wai lăng bruă ruah khua lŏn ia ta. Kơ-iăng Khua dêh čar ta lăi rơđah, hơdôm hrơi mơng ră anai truh hrơi ruah khua ƀu sui dong tah, yua anun tơring čar Đồng Tháp pơtrut kơtang dong bruă lăi pơhing, lăng hrơi ruah khua lĕ hrơi jơnum ngui mơng abih bang mơnuih ƀôn sang, đing nao lăi pơhing, pơsur hơdôm gưl, truh rim sang anô̆, mơnuih ƀôn sang kơ bôh tŭ yua hăng tơhnal yôm phăn mơng bruă ruah khua./.

Siu H’ Prăk: Pô pơblang