VOV4.Jarai - Kơ-iăng khua mir sir yă Võ Thị Ánh Xuân hăng ƀing hơmâo anăn ba ruah ngă Khua pơ ala mơnuih ƀon sang dêh čar tal 15 hăng Khua pơ ala mơnuih ƀon sang tơring čar An Giang tal 10, rơwang thun 2021-2026, gah Anih ruah khua mrô sa hơmâo mông bưp mơnuih ƀon sang, iâu pơthưr plĕ hră ruah tui Tơlơi phiăn pơtrun ƀơi hơdôm boh phường Mỹ Bình, Mỹ Long, Mỹ Phước, Mỹ Qúy, Mỹ Thới, Mỹ Thạnh, să Mỹ Hòa Hưng (plơi prong Long Xuyên), tơring kual Óc Eo, să Vọng Đông hăng să Vọng Thê, tơring glông Thoại Sơn, tơring čar An Giang. Lăi nao hơdră ngă bruă mơng gơñu, yă Võ Thị Ánh Xuân - Khua mir sir dêh čar ta lăi, pô ñu amra ngă dong mơn hơdôm bruă aka ƀu tui hăng tơlơi ñu čang rơmang, laih dong pơlir bruă mă mơng sa čô khua pơ ala mơnuih ƀon sang dêh čar hăng bruă gơgong ră anai lĕ Kơ-iăng khua mir sir đah mơng ngă klă hloh tơlơi rơkâo, tơlơi kiăng lăp djơ̆ mơng mơnuih ƀon sang.

Siu H’Mai: Pơblang