VOV4.Jarai - Mơguah lơ 13/5, Grup khua wai lăng, pel ĕp mơng Jơnum min apăn bruă Khua pơ ala mơnuih ƀon sang dêh čar, Khul wai lăng bruă ruah khua yua Kơ-iăng khua mir sir, Kơ-iăng khua Khul wai lăng bruă ruah khua yă Võ Thị Ánh Xuân ngă khua ba jơlan hơmâo ngă bruă hăng tơring Dăk Nông kơ bruă ruah pô pơ ala mơnuih ƀon sang dêh čar tal 15 hăng pô pơ ala mơnuih ƀon sang djŏp gưl rơwang thun 2021-2026.

Tơlơi lăi pơthâo mơng Jơnum min ruah khua tơring čar Dăk Nông brơi thâo, ruah khua pơ ala mơnuih ƀon sang dêh čar ƀơi tơring čar, hơmâo 2 anom bruă hăng mrô khua pơ ala hơmâo ruah lĕ 6 čô. Ruah khua jơnum min pơ ala mơnuih ƀon sang tơring čar hơmâo 14 anom bruă hăng pô pơ ala hơmâo ruah lĕ 52 čô, gưl tơring glông hơmâo 78 anom bruă hăng khua pơ ala hơmâo ruah lĕ 272 čô, ƀơi să hơmâo 569 anom bruă hăng pô pơ ala hơmâo ruah lĕ 1.779 čô. Ƀơi mông ngă bruă, Kơ-iăng khua mir sir, Kơ-iăng khua Khul wai lăng ruah khua mua amăng dêh čar yă Võ Thị Ánh Xuân pơtă hlâo kiăng hrơi plĕ hră rơnuk rơnua amăng mông glăk hơmâo klin Covid-19, Dăk Nông kiăng pơhlôm rơnuk rơnua, hơđong kơjăp amăng plơi pla, khŏm ngă tui tơlơi pơtrun pơgang klin kiăng mơnuih ƀon sang hơđong pran jua nao plĕ hră.

Siu H’Mai: Pơblang