VOV4.Jarai-Tlam mơmŏt lơ 30/9, ƀơi anom bruă kơnuk kơna, Kơ-iăng Khua mir sir yă Võ Thị Ánh Xuân hơmâo pơhiăp telephôn hăng kơ-iăng khua mir sir dêh čar Nigieria, Yemi Osinbajo, kiăng pơtrut ngăhrom dua bơnah Việt Nam-Nigieria. Ƀơi mông pơhiăp telephôn pơčrông nao rai, khua mua dua bơnah hơmâo lăi, kiăng mơ̆n pơtrut tơlơi ngă giăng mah, rô nao rai dua bơnah; ĕp hơdră tum teč hloh brơi khua mua pơprong mơ̆ng dua bơnah čuă jơmư, bưp nao rai.

Dua bơnah ăt tŭ ư ngă hrom kjăp djru nao rai amăng mông jơnum lu bơnah dêh čar, biă mă ñu amăng sang gum hơbit djop dêh čar, khul pơlir hơbit kual ơi jŭ…Kơ klin kheng Covid 19, dua bơnah ăt dong yua hơdra djru nao rai dưi blơi ia jrao vaccine pơhlôm, pơgang Covid 19 kơ hơdôm dêh čar hlăk pơđĭ kyar, pơtô brơi tơlơi thâo ia rơgơi pơkra vaccine.

Nay Jek: Pơblang