VOV4.Jarai - Lơ 4/5, Grup hyu pel ĕp mơng Jơnum min apăn bruă Khua pơ ala mơnuih ƀon sang dêh čar  yua kơ-iăng Khua pơ ala mơnuih ƀon sang dêh čar Nguyễn Đức Hải ba jơlan hlâo hơmâo nao pel ĕp bruă prap lui tal plĕ hră ruah khua mua ƀơi tơring čar Thừa Thiên Huế. Amăng mông pel ĕp, Kơ-iăng Khua pơ ala mơnuih ƀon sang dêh čar Nguyễn Đức Hải pơpŭ bơni, lăng yôm bruă prap lui plĕ hră mơng gong gai ƀon lan lơ̆m hơmâo anŏ pơplih kơ akŏ mơnuih samơ̆ ăt pơhlôm hơdôm bruă pơtô pơblang, pơtrut pơsur mơnuih ƀon sang nao plĕ hră. Mă bruă hăng Jơnum min plĕ hră tơring čar Thừa Thiên Huế, Kơ-iăng Khua pơ ala mơnuih ƀon sang dêh čar Nguyễn Đức Hải rơkâo tơring čar Thừa Thiên Huế pơtrut tañ bruă pel ĕp, kiăo tui lăng bruă plĕ hră ruah khua, pơhlôm hơđong hăng ngă tui hơdră pơgang klin Covid-19….pơgôp ngă kơ tal plĕ hră brơi tơpă sit, djơ̆ tơlơi phiăn, anai lĕ jing hrơi jơnum pơƀut kơ abih bang mơnuih ƀon sang.

Siu Đoan: Pơblang