VOV4.Jarai - Mơguah lơ 12/5, Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải hrom hăng mơnuih tơbiă anăn kơ khua pơ ala mơnuih ƀôn sang dêh čar ta tal 15 hmâo mông bưp mơnuih ruah khua, pơtrut pơsur tui hơdră lăng nao rai amăng tivi ƀơi anom ruah khua mrô 3, tơring čar Quảng Nam.

Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải đĭ pơhiăp amăng mông Jơnum

Pơ ala kơ mơnuih tơbiă anăn kơ khua pơ ala mơnuih ƀôn sang dêh čar tal 15, Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải hmâo čih pioh laih tơlơi čang rơmang mơng mơnuih ƀôn sang mơ-it truh ƀing tơbiă anăn, pơsit tơdah dưi ruah ngă khua pơ ala mơnuih ƀôn sang dêh čar tal 15, amra hrưn đĭ pơhrăm pô, lăi pơthâo kơjăp, hơduah ĕp tơlơi pơmin, tơlơi čang rơmang mơng mơnuih ruah khua; prăk pơhrui glăi hăng lăi đĭ tơpă, hmao tlôn tơlơi gum pơhiăp, rơkâo đĭ mơng mơnuih ruah khua hăng Khua pơ ala mơnuih ƀôn sang dêh čar. Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải lăi lĕ, tơlơi đăo gơnang mơng mơnuih ruah khua lĕ pran pơtrut kiăng ƀing tơbiă anăn pơhrăm pô, pơđĭ tui bôh thâo pơblang bruă hăng mă yua, ngă giong bruă mă dưi jao; Pơkôl pơplih phrâo dong jơlan hơdră ngă mơng pô tui rim thun, wot amăng sa rơwang bruă./.

Siu H’ Prăk: Pô pơblang