VOV4.Jarai-Lơ 5/4, Gơnong bruă Boh thâo hăng ia rơgơi phrâo tơring čar Kon Tum lăi pơthâo sit nik kơ bruă ngă hră pơsit dưi ngă pô hăng mă yua gơnam thâo phun tơdŭ hơbơi sâm “Ngọc Linh” hăng mă yua Tem pơčrâo brơi “Ngọc Linh”.

Phun Sâm Ngọc Linh pla ƀơi să Măng Ri, tơring glông Tu Mrông, Kon Tum

Tui hăng anun, djop sang bruă, djop mơnuih sĭ mơdrô hơbơi sâm Ngọc Linh amăng kual pơkă guai ƀơi Ngọc Linh, kah hăng hơdôm să Đak Na, Măng Ri, Ngọc Lây, Ngọc Yêu, Văn Xuôi, Tê Xăng tơring glông Tu Mrông hăng hơdôm să Mường Hoong, Ngọc Linh, Xôp tơring glông Đak Glei hơmâo anŏ kiăng mă yua Hră pơčrâo anih Ngọc Linh nao ngă hră pơar pơ Sang bruă Gơnong bruă Boh thâo hăng ia rơgơi phrâo Kon Tum hlâo kơ lơ 17/4/2021 arăng sem glăi hăng pơsit brơi Hră pơčrâo Ngọc Linh kơ gơnam sĭ mơdrô hơbơi sâm. Bruă ngă hră pơsit mă yua Hră pơčrâo anih hơmâo hơbơi sâm Ngọc Linh hăng ngă Tem pơčrâo Ngọc Linh Kon Tum  khom ngă giong amăng blan 4  anai mơtam.

Nay Jek: Pơblang