VOV4.Jarai - Khul pơlir hơbit đah kơmơi tơring čar Kon Tum phrâo ngă hrŏm hăng Khul pơlir hơbit đah kơmơi tơring glông Ngọc Hồi pơphun pơtŏp brơi kơ 50 čô đah kơmơi blung a tơbiă anăn ruah ngă khua pơ ala mơnuih ƀon sang să, phường, tơring kual, rơwang thun 2021-2026 ƀơi tơring glông. Anih pơtŏp bruă djru brơi ƀing blung a tơbiă anăn ruah ngă khua pơ ala mơnuih ƀon sang djŏp gưl pơđĭ tui tơlơi rơgơi mơng gơñu, thâo rơđah tơlơi gơgrong bruă mơng pô gơñu amăng bruă tơbiă anăn ba ruah. Laih dong, anai lĕ bruă pơdah tơlơi gơgrong bruă mơng djŏp Khul đah kơmơi amăng bruă ruah khua, biă ñu lĕ gum hrŏm, djru ba ƀing đah kơmơi blung a tơbiă anăn ruah ngă khua, kiăng gơñu khin ƀiă, thâo hluh djŏp bruă kiăng iâu pơthưr mơnuih ƀon sang plĕ hră.

Siu H’Mai: Pơblang