VOV4.Jarai - Tơlơi pơhing mơng Jơnum min mơnuih ƀôn sang tơring glông Ia Hdrai, tơring čar Kontum brơi thâo hơjan prong, angin kơtang hmâo tom grom tal ngă răm rai prong laih ƀơi tơring glông anai. Mrô yap blung a brơi ƀuh hơjan prong, angin kơtang ngă laih 6 bôh sang mơnuih ƀôn sang pok bơbung, rơbêh kơ 2.600 ƀĕ phun kơ su tal tlă ngă jôh, rơbuh yap him lăng răm rai hmâo mơn 1 klai 200 klăk prăk.

Grom, tal ăt ngă jôh, rơbuh mơn 4 ƀĕ gong apui lơtrik, ngă wĕ răm rai 11 per gong hrĕ apui, giăm truh 20 anih anom thăm apui, 86 bôh anom glưh tơtăng apui amăng dơ đam tơring glông Ia Hdrai djai apui. Sang bruă apui lơtrik Kontum hmâo iâu pơƀut mơnuih nao guang dar anih anom răm rai pơkĕ glăi apui yua brơi kơ rơbêh 1000 bôh sang anô̆ mơnuih ƀôn sang. Jơnum min mơnuih ƀôn sang tơring glông Ia Hdrai iâu pơhrui mơnuih pơphun rơmet agaih ƀơi anih phun kyâu jôh rơbuh pơhlôm jơlan nao rai; djru mơnuih ƀôn sang hơkrŭ pơsir anô̆ răm rai; pel ĕp anih anom gơnam tam ƀơi hơdôm anih ruah khua; gum hrom hăng hơdôm bôh ƀirô, anom bruă, anom bơwih ƀong nao yap lăng mrô răm rai yua kơ grong, tal ba truh./.

Siu H’ Prăk: Pô pơblang