VOV4.Jarai - Bơdjơ̆ nao mơnuih ƀă klin Covid-19 ƀơi tơring čar Daklak, mơguah (13/5) Gơnong bruă ia jrao tơring čar Kontum brơi thâo, anom bruă pơgang klin kman tơring čar phrâo pơsit sang sĭ gơnam tam amăng plơi prong Kontum, anih mơnuih ƀă klin Covid-19 mrô 3237 ƀơi tơring čar Daklak dŏ pơdơi blơi gơnam lơm đĭ rơdêh đuăi mơng ƀôn prong Đà Nẵng glăi pơ plơi prong Buôn Ma Thuột amăng lơ 6/5/201.

Anom bruă bơdjơ̆ nao tơring čar Kontum pơphun bruă pơgang klin ječ ƀơi sang sĭ mơdrô gơnam Sen

Tơdơi kơ pơsit sang sĭ gơnam lĕ anih mơnuih F0 ƀơi tơring čar Daklak mut nao blơi gơnam, anom bruă bơdjơ̆ nao tơring čar Kontum hơmâo guang dar, pruih ia jrao ƀơi anih hơmâo mơnuih F0, F1, truh mlăm lơ 12/5pơphun ba nao pơčlah pơƀut 9 čô mơnuih lĕ F1. Laih dong pơsit hơmâo 202 čô mơnuih lĕ F2 rơkâo pơčlah ngă pơ sang hăng čih anăn kiăo tui lăng 40 čô mơnuih lĕ F3. Ră anai, mơnuih F1 ăt suaih pral mơn, huăi mưn hơget ôh bơdjơ̆ nao klin Covid-19. Tui pơčrang lăng tal 1 mơng Anom bruă pơgang klin kman tơring čar Kontum brơi ƀuh 9 čô mơnuih F1 lêng huăi ƀă virus Sars-Cov2.

Siu Đoan: Pơblang