VOV4.Jarai - Mơguah lơ 16/4, ƀơi plơi prong Kontum, Jơnum min djop djuai ania mơnuih mơnam Việt Nam tơring čar Kontum pơphun Jơnum pơgôp hiăp lok 3 kiăng kơ ruah, čih anăn ƀing mơnuih dưi ruah ngă Khua mua ala mơnuih ƀon sang dêh čar tal XV hăng Khua khul pơ ala mơnuih ƀon sang tơring čar, rơwang thun 2021-2026. Amăng jơnum pơgôp hiăp lok 3, ƀing khua mua hmư̆ khul apăn bruă Jơnum min djop djuai ania mơnuih mơnam Việt Nam tơring čar Kontum lăi pơthâo boh tơhnal pơphun pơgôp hiăp, tơlơi dong yua mơng mơnuih ƀon sang brơi 10 čô mơnuih amra ruah Khua mua pơ ala mơnuih ƀon sang dêh čar tal XV hăng 85 čô amra ruah ngă khua khul pơ ala mơnuih ƀon sang tơring čar, rơwang thun 2021-2026.

Jơnum pơgôp hiăp lok 3

Ƀing khua mua nao Jơnum pơgôp hiăp lok 3, yua Jơnum min djop djuai ania mơnuih mơnam Việt Nam tơring čar Kontum ơphun tŭ ư brơi 2 čô tơbiă anăn ruah ngă Khua mua pơ ala mơnuih ƀon sang dêh čar tal XV. Tŭ ư hăng hră čih anăn 8 čô mơnuih dưi ruah ngă Khua mua pơ ala mơnuih ƀon sang dêh čar tal XV hăng 85 čô ngă khua khul pơ ala mơnuih ƀon sang tơring čar, rơwang thun 2021-2026.

Siu Đoan: Pơblang