VOV4.Jarai - Jơnum min mơnuih ƀôn sang tơring čar Kontum phrâo pơphun Jơnum lăng nao rai amăng tivi hăng hơdôm bôh tơring glông, plơi prong tui tơđar blan 3 kiăng pơsit  tơlơi pơđĭ kyar bơwih ƀong – mơnuih mơnam 3 blan tal sa; pok pơhai jơlan gah, bruă mă 3 blan tal 2.

Anih anom jơnum

Amăng 3 blan tal I thun 2021, khă khom bŏng glăi hăng hơdôm tơlơi tơnap, tơlơi lông yua bơdjơ̆ nao mơng klin Covid-19, tơlơi bơwih ƀong – mơnuih mơnam tơring čar Kontum hơđong dong, pơđĭ kyar hăng hmâo lu bôh tơhnal, pơhlôm ngă giong “tơhnal pơkă dua mơta”. Kiăng ngă klă hơdôm tơhnal pơkă, tơhnal pơđĭ kyar bơwih ƀong – mơnuih mơnam thun 2021, amăng 3 blan tal 2, Jơnum min mơnuih ƀôn sang tơring čar Kontum ba tơbiă sa dua bruă phun: Pok pơhai kơčăo bruă ngă đang hmua thun 2021; pel ĕp lŏn ngă hmua ia juăt kơƀah ia, pơsur neh wa pơplih hơdai nao pla phun pla pơkon hmâo bôh tơhnal hloh; prăp lui djop pơjeh hăng tơlơi kiăng yua pioh pla 3.000 ektar đang kyâu hăng 5 klăk ƀĕ phun pla hmâo pum kyâu ƀơi tơring čar, hrưn đĭ pla hmâo 900 ektar đang kyâu./.

Siu H’ Prăk: Pô pơblang