VOV4.Jarai -  Čơtlăm lơ 3/10, grŭp hmâo giăm truh 1.300 čô mơnuih mơng hơdôm bôh tơring čar kual klin ruă gah Dơnung dêh čar rô hyu hăng rơdêh thut glăi pơ̆ plơi truh pơ̆ tơring čar Kontum.

Khul gak wai lăng klin mrô 1 Sao Mai pơƀut tơlơi lăi pơthâo mơnuih glăi plơi

Ƀơi anih Gak wai lăng klin ruă mrô sa Sao Mai, gah să Hoà Bình, plơi prong Kontum, bah amăng gah Dơnung mut amăng tơring čar, hơdôm khul grŭp apăn bruă ƀơi anai hmâo pơphun pơpha glông bruă pơgang Covid-19 hăng djru mơnuih ƀôn sang glăi pơ̆ plơi pla. Tơlơi pơhing mơng khul apăn bruă ƀơi anih dô̆ gak klin mrô sa Sao Mai, kơnong kơ amăng čơtlăm lơ 3/10 hmâo laih 644 bôh rơdêh thut hăng giăm truh 1.300 čô mơnuih ƀôn sang mơng hơdôm bôh tơring čar kual klin ngă gah Dơnung dêh čar găn tơring čar Kontum.

Tơdơi đuăi jơlan ataih giăm abih bang mơnuih ƀôn sang leng kơ rơgah drơi jăn

Rơgao kơ pel ĕp pơpha hmâo 94 čô mơnuih lĕ mơnuih ƀơi tơring čar Kontum; 17 čô mơnuih lĕ mơnuih pơ̆ tơring čar Quảng Ngãi hăng giăm truh 1.200 čô mơnuih lĕ mơnuih mă bruă mơng hơdôm tơring čar Quảng Nam nao Pơngŏ dêh čar ta. Kiăng pơhlôm bruă pơgang klin Covid-19 hăng pơhlôm brơi kơ mơnuih ƀôn sang lom găn tơring čar, Jơnum min mơnuih ƀôn sang plơi prong Kontum hmâo iâu pơhrui 100 čô mơnuih apăn bruă, mơnuih mă bruă gơgrong gah bruă pơgang klin hăng djru mơnuih ƀôn sang./.

Siu H’ Prăk: Pô pơblang