VOV4.Jarai - Hmâo rơbêh kơ 3.000 tơhnal gal bruă mă kơ mơnuih amăng khul hlăk ai, tơdăm dra, mơnuih mă bruă tơring čar Kontum amăng Hrơi bruă mă hăng Pơphun bruă mă thun 2021 dưi hmâo Gơnong bruă wai lăng mơnuih mă bruă tơhan rơka ruă hăng mơnuih mơnam gum hrom hăng Khul hlăk ai tơring čar Kontum pơphun lơ 27/4, ƀơi plơi prong Kontum.

Hơduah ĕp tơlơi pơhing ruah mơnuih mă bruă amăng Hrơi bruă mă hăng Pơphun bruă mă    

Gum hrom Hrơi bruă mă hăng Pơphun bruă mă thun 2021, hơdôm rơtuh čô mơnuih hlăk ai mơng khul, tơdăm dra, mơnuih mă bruă amăng tơring čar Kontum dưi lăi pơthâo, pơsit jơlan gah bruă hăng bruă mă. Amăng mrô anai lu mơnuih mă bruă dưi ĕp hmâo bruă mă djơ̆ hăng pô kiăng mơng 52 bôh anom ruah mơnuih mă bruă. Khă bơbeč yua kơ klin Covod-19, samơ̆ amăng thun 2020 hăng giăm hmâo 4 blan akô̆ thun 2021, gơnong bruă wai lăng mơnuih mă bruă, tơhan rơka ruă hăng mơnuih mơnam tơring čar Kontum ăt dưi pơsir brơi mơn bruă mă brơi rơbêh kơ 3.400 čô mơnuih mă bruă hơđong amăng lŏn ia, 178 čô mơnuih nao mă bruă hmâo hrơi blan pơ̆ dêh čar tač rơngiao hrom hăng anun pơphun lăi pơthâo, pơsit jơlan gah bruă brơi rơbêh kơ 10.000 wot čô mơnuih amăng khul hlăk ai, tơdăm dra hăng mơnuih mă bruă kual plơi pla./.

Siu H’ Prăk: Pô pơblang