VOV4.Jarai - Khul wai lăng bruă ruah khua dêh čar hơmâo lăi pơthâo laih 868 čô mơnuih tơbiă anăn ba ruah ngă Khua pơ ala mơnuih ƀon sang dêh čar tal 15 ƀơi 184 anih plĕ hră amăng dêh čar či ruah mă 500 čô mơnuih ngă khua pơ ala mơnuih ƀon sang dêh čar. Ơi Bùi Văn Cường, Khua gum bruă, Khua anom bruă Ƀirô khua pơ ala mơnuih ƀon sang dêh čar, Khua anom bruă wai lăng bruă ruah khua dêh čar brơi thâo: Amăng abih bang 868 čô mơnuih tơbiă anăn ba ruah ngă Khua pơ ala mơnuih ƀon sang dêh čar tal 15 kiăo tui rim anih ruah khua, mrô mơnuih tơbiă anăn yua Gơnong dlông ba pơƀuh lĕ 203 čô; ƀơi tơring čar lĕ 655 čô mơnuih. Kơ mrô pơkă hrŏm amăng dêh čar ta lĕ, ƀing đah kơmơi tơbiă anăn ba ruah lĕ 393 čô mơnuih; mơnuih ƀon sang djuai ƀiă lĕ 185 čô mơnuih; pô aka ƀu mut amăng Ping gah lĕ 74 čô. Mơnuih hơmâo tơbiă anăn ba ruah lĕ khua pơ ala mơnuih ƀon sang dêh čar tal 14 hơmâo 205 čô mơnuih; ƀing thun hlăk ai (yŭ 40 thun) lĕ 224 čô mơnuih. Thun yap tong krah mơng ƀing hơmâo anăn ba ruah ngă Khua pơ ala mơnuih ƀon sang dêh čar lĕ 46 thun.

Siu H’Mai: Pơblang