VOV4.Jarai - Ƀơi Sang bruă Ping gah dêh čar, Khua git gai ping gah ơi Nguyễn Phú Trọng git gai Jơnum lăi pơthâo tơlơi pơsit mơng Ding jum kơđi čar ruah Khua Anom pơphun bruă Ping gah dêh čar hăng Khua anom pơtô ba mơnuih ƀon sang dêh čar. Tui anun, Ding jum kơđi čar jao bruă kơ yă Trương Thị Mai, Ding kơna Ding jum kơđi čar ngă Khua anom pơphun bruă Ping gah; ruah yă Bùi Thị Minh Hoài, Khua apăn bruă Ping gah ngă Khua anom bruă pơtô ba mơnuih ƀon sang. Khua git gai Ping gah ơi Nguyễn Phú Trọng hơmâo jao hră pơsit hăng brơi bơnga hơơč hmưi kơ 2 čô khua Yă Trương Thị Mai hăng yă Bùi Thị Minh Hoài gơgrong bruă yôm mơng Ping gah. Pơ ala kơ ƀing khua hơmâo ruah, Ding kơna Ding jum kơđi čar, Khua pơphun bruă Ping gah dêh čar yă Trương Thị Mai hơmâo tơlơi pơhiăp, bơni kơ Khua git gai Ping gah ơi Nguyễn Phú Trọng, bơni kơ Ding jum kơđi čar, khua mua Ping gah hơmâo đăo gơnang jao bruă yôm mơng Ping gah kơ ƀing gơñu amăng rơwang bruă phrâo.

Khua git gai Ping gah ơi Nguyễn Phú Trọng hơ-ơč hmưi kơ yă Trương Thị Mai.

Siu H’Mai: Pơblang