VOV4.Jarai - Lơ 14/5, Jơnum min mơnuih ƀon sang tơring čar  Lâm Đồng hơmâo hră pơtrun kiăng kơ tŏ ngă tui khut khăt hơdôm hơdră pơgang klin Covid-19. Tui anun, tơlơi pơsit brơi pơdơi jang jai dong sa, dua anih ngui ngor anun lĕ: Hơdôm anih bơrơguăt drơi jăn (đă boh lông, pah boh lông, dơnao ia mơnơi, taih golf hăng hơdôm grup bơrơgăt drơi jăn pơkŏn dong); brơi pơdơi jang jai anih ngui, adôh suang pơƀut lu mơnuih ƀơi tơdron lak, ter hang dơnao ia, đang bơnga mơng 12 mông mlăm mơguah lơ 14/5 truh hrơi hơmâo tơlơi pơsit phrâo. Jơnum min mơnuih ƀon sang tơring čar  Lâm Đồng rơkâo djop gơnong bruă, anom bruă, khul grup hăng Jơnum min mơnuih ƀon sang tơring čar djop tơring glông, plơi prong tŏ ngă tui tơlơi git gai mơng gơnong glông, Ping gah tơring čar hăng Jơnum min mơnuih ƀon sang tơring čar  kơ hơdră pơgang klin Covid-19.

Siu Đoan: Pơblang