VOV4.Jarai - Lơ 3/5, Jơnum min mơnuih ƀon sang tơring čar Lâm Đồng hơmâo hră pơtrun ječ kiăng kơ brơi pơdơi jang jai sa, dua bruă kiăng ngă tui hơdră pơgang klin Covid-19. Tui anun, mơng 7 mông mơmŏt lơ 3/5, sa, dua anih anun lĕ ƀar, karaoke, anih adôh suang, anih ngui game komputer lĕ anih amuñ ngă lar hyu klin amăng tơring čar Lâm Đồng amra pơdơi hĭ jang jai, Jơnum min mơnuih ƀon sang tơring čar Lâm Đồng rơkâo ngă tui djơ̆ hơdôm tơlơi rơkâo amăng pơgang klin.

Anom bruă bơdjơ̆ nao pel ĕp bruă pơgang klin Covid-19 ƀơi tơdron rơdêh por Liên Khương

Kơnong tuai čuă ngui, Jơnum min mơnuih ƀon sang tơring čar Lâm Đồng rơkâo kông ang tơring čar git gai, gum hrŏm hăng hơdôm anom bruă bơdjơ̆ nao pel ĕp, wai lăng ƀing tuai nao čuă ngui amăng tơring čar, hmao tlôn ĕp ƀuh ƀing mơnuih jê̆ giăm hăng ƀing ƀă klin Covid-19 tơdah hơmâo kiăng pơčlah kiăo tui lăng djơ̆ hăng tơlơi pơkă.

Siu Đoan: Pơblang