VOV4.Jarai - Khul mơnuih bơwih ƀong hlăk ai Việt Nam phrâo ngă hrŏm hăng Grup bơwih ƀong TTC hăng Khul mơnuih bơwih ƀong hlăk ai tơring čar Lâm Đồng pơphun brơi 1.000 ƀô̆ kit pơčrang kman SARS-CoV-2 kơ tơring čar Lâm Đồng djru bruă pơgang klin Covid-19. Pơhiăp ƀơi mông jơnum, ơi Trần Mến - Khua Grup bơwih ƀong TTC Lâm Đồng lăi: Dêh čar ta lêng pơtrut tui bruă pơgang klin lar hyu, lu tơring čar brơi dŏ pơčlah mơnuih mơnam, ječ ameč hyu kiăo kru, ĕp mơnuih dŏ jê̆ giăm hăng ƀing ƀă klin hăng guang dar lu anih. Đà Lạt lĕ plơi prong tuai hyu ngui, yua hnun bruă wai lăng klă klin kheng bơdjơ̆ nao prong biă kơ bruă ngă tơdu klin ƀă hyu amăng plơi pla, plai ƀiă ngă sat kơ tơlơi bơwih ƀong - mơnuih mơnam, biă ñu bruă tuai hyu ngui. Laih dong, ngă bruă hơdeč hmar, ƀu brơi pioh hơmâo mơnuih amăng plơi prong ƀă klin amra djru brơi bruă tuai hyu ngui Lâm Đồng tañ pơđĭ kyar glăi tơdơi kơ hrơi abih klin.

Siu H’Mai: Pơblang