VOV4.Jarai-Mah bơbeč yua klin Covid 19, samơ̆ amăng klâo blan tal 1 thun anai, djop tơring glông amăng tơring čar Lâm Đồng ăt dưi pơsir brơi bruă mă kơ 6000 čô mơnuih, djru hrom pơhrui glăi  hơđong kơ tơlơi hơdip mơda mơnuih ƀôn sang.

Amăng mrô giăm 6000 čô mơnuih dưi pơsir bruă mă anun, hơmâo 1.830 čô mơnuih hơmâo bruă mă phrâo, rơbêh 100 čô mơnuih nao mă bruă apah pơ dêh čar tač rơngiao, dưi ngă djop 20% akŏ bruă, đĭ tui 10% pơkă hăng thun hlâo.

Laih dơ̆ng, anom bruă wai lăng bruă mă hăng mơnuih mơnam pơphun lu hơdră lăi pơthâo, pơčrâo brơi ĕp bruă mă, ngă tui hơdră djru lir hơbit hăng pok pơhai tŭ yua jơlan hơdră djru ba, pơtô hrăm, pơtô bruă mă amăng kual plơi pla, ƀơi anih dŏ kơnang kơ hơbô̆ bruă pla boh troh, rông hlô mơnong, wai lăng đang kơphê, đang añăm pơtam, pla bơnga tui hơdră phrâo, čem rông, pơphun bruă mă tuh tia pơkra ming pơsơi pơsă, pơkra rơdêh răm, apui lơtrik gơnam yua amăng sang anŏ, pơkra ming gơnam hăng kyâo, pơhrôp hiam, tơčoh sum ao, hrăk bơnal akhăn (siăm), man pơdong....

Anai lĕ bruă mă gêh găl hơmâo lu boh kông ty, sang bruă sĭ mơdrô amăng tơring čar ĕp mơnuih mă bruă kiăng apah mă bruă, djru pơsir bruă mă kơ 13 rơbâo truh 15 rơbâo čô mơnuih amăng thun 2021 ƀơi tơring čar Lâm Đồng.

Nay Jek: Pơblang