VOV4.Jarai - Tơring čar Lâm Đồng pơphun jơnum lăng nao rai amăng tivi klah čun bruă pơgang pơgăn ayuh hyiăng ƀu klă ngă hăng hyu ĕp mơnuih hmâo tơlơi truh thun 2020 hăng pok pơhai bruă mă amăng thun 2021. Amăng thun 2020, khă ayuh hyiăng sat răm kơtang samơ̆ đơ đam tơring čar rơbêh kơ 100 klai prăk. Tơlơi phang khôt ăt ngă kơƀah ia mơn năng ai ñu 1.300 ektar đang hmua ƀơi hơdôm anih anom amăng tơring čar. Thun 2020, tơring čar Lâm Đồng hmâo iâu pơhrui hơdôm ngăn rơnoh mơng ngăn drăp, Keh prăk pơgang pơgăn ayuh hyiăng ƀu klă ngă tơring čar hăng prăk djru mơng dêh čar pioh hơkrŭ pơsir anô̆ răm rai. Rơđah biă ñu: Mă yua rơbêh kơ 72 klai prăk pioh rŭ pơdŏng glăi anô̆ răm rai yua kơ ayuh hyiăng ƀu klă ngă; mă yua 6 klai prăk pioh djru hơdôm anih anom răm rai yua kơ ayuh hyiăng ƀu klă ngă. Amăng mông jơnum hơdôm gơnong bruă hăng hơdôm plơi pla hmâo tum pơƀut lăi đĭ hơdôm tơlơi akă dưi ngă, akă gal ăt kah hăng ba tơbiă hơdôm jơlan gah kiăng pok pơhai klă bruă pơgang pơgăn ayuh hyiăng ƀu klă ngă hăng hơduah ĕp mơnuih hmâo tơlơi truh thun 2021./.

Siu H’ Prăk: Pô pơblang