VOV4.Jarai-Jơnum min mơnuih ƀôn sang tơring čar Lâm Đồng hơmâo mông mă bruă hăng Jơnum min wai lăng mơnuih djuai ania Việt Nam dŏ pơ dêh čar tač rơngiao ƀơi ƀôn prong Hồ Chí Minh hrom hăng lu mơnuih ngă bruă sĭ mơdrô jing mơnuih djuai ania Việt Nam dŏ pơ tač rơngiao, mơnuih dêh čar tač rơngiao, kiăng lăi pơthâo tơlơi pơhing, pơtruh nao rai bruă tuh pơ alin, anom bruă sĭ mơdrô, mơnuih djuai ania Việt Nam dŏ pơ tač rơngiao, pioh iâu pơthưr pok pơhai kơčăo bruă tuh pơ alin ƀơi tơring čar.

Lâm Đồng lăi pơthâo hăng grup mă bruă Jơnum min wai lăng mơnuih Việt Nam dŏ pơ tač rơngiao ƀơi ƀôn prong Hồ Chí Minh thâo, tơlơi gêh gal, anŏ kơtang ƀơi Lâm Đồng; lăi pơthâo hơdôm kơčăo bruă tuh pơ alin kah hăng anih tuai čuă ngui dơnao Prenn, kơčăo bruă man pơdong plơi prong hiam Liên Khương-Prenn, anih tuai čuă ngui dêh čar dơnao Tuyền Lâm.

Ơi Steve Bùi, Khua git gai group anom bruă Delta E &C dêh čar Japan brơi thâo tal nao ĕp lăng tong ten anai jing anŏ gêh gal, pơtruh nao rai yom, pok lu tơlơi gêh gal kơ anom bruă sĭ mơdrô, ƀing ngă bruă sĭ mơdrô mơnuih djuai ania Việt dŏ pơ dêh čar tač rơngiao glăi tuh pơ alin pơ tơring čar Lâm Đồng.

Nay Jek: Pơblang