VOV4.Jarai-Khua mua git gai bruă pel ĕp jŭ yap tơlơi bơwih ƀong huă tơring čar Lâm Đồng hơmâo pơphun jơnum pok pơhai bruă mă jŭ yap tơña hơduah tơlơi bơwih ƀong huă hăng tơña bruă mă amăng kơnuk kơna thun 2021.

Tui hăng tơlơi lăi pơthâo mơ̆ng Anom bruă jŭ yap tơring čar, truh abih blan 4 thun 2021 đơ đam tơring čar hơmâo pok pơhai hơduah ĕp 2158 amăng mrô 8659 boh anom bruă sĭ mơdrô, dưi ngă 33%. Hăng bruă mă amăng kơnuk kơna đơ đam tơring čar hơmâo ĕp lăng 519/519 boh anom bruă kơnuk kơna, dưi ngă djop 100%...

Ƀuh abih bang bruă mă hơduah ĕp, tơña lăng hrơi blan rơgao, hơmâo čih pơthâo tơlơi pơhing tơpă, djop djơ̆ hăng tơlơi phiăn. Khă tui anun, ăt dŏ hơmâo mơ̆n hơdôm tơlơi dŏ kơƀah kah hăng bruă hyu ĕp lăng tơña hơduah dŏ kaih rơnang đơi, lu mơnuih hyu tơña hơduah nao pơ anom bruă sĭ mơdrô, bruă mă amăng kơnuk kơna aka ƀu tong ten ôh, dŏ ngă soh glăi hơdră čih jŭ yap.

Pơ anăp anai, khua mua git gai bruă tơña hơduah ĕp lăng, jŭ yap pơtum ngă djơ̆ hnong pơtrun, pơtrut abih bang ding kơna mă bruă khom čih djop tơlơi pơhing, kiăng ngă giong bruă jŭ yap bơwih ƀong huă thun 2021 amăng tơring čar Lâm Đồng.

Nay Jek: Pơblang