VOV4.Jarai - Hăng tơlơi gal kơ bruă rông akan amăng ia rơ-ơ̆ ba glăi pơhrui hơmâo hmăi, ră anai sa, dua anom bơwih ƀong sĭ mơdrô amăng tơring čar Lâm Đồng tŏ tui pơsĭ kyar hơbô̆ bruă rông akan tầm pioh mă boh. Gơnong bruă ngă hmua hăng pơđĭ kyar ƀon  lan Lâm Đồng brơi thâo: Ră anai ƀơi sa, dua anom bơwih ƀong sĭ mơdrô amăng tơring čar anun lĕ kông ti rông akan tầm Việt Nam, kông ti TNHH rông akan Đại Dương, Kông ti TNHH Phi Huỳnh glăk rông akan amăng ia rơ-ơ̆ hơmâo tuh pơ alin pơđĭ kyar hơbô̆ bruă rông akan tầm pioh mă boh. Him lăng boh akan pơhrui amăng rĭm thun giăm 1.500 kĭ. Nua sĭ boh akan tầm Lâm Đồng ră anai giăm 35 klăk prăk amăng ha kĭ hăng glăk hơmâo lu sang ƀong huă hơbai brơi tuai.

Siu Đoan: Pơblang