VOV4.Jarai - Lơ 14/5, Jơnum min mơnuih ƀon sang tơring čar Lâm Đồng hơmâo tơlơi pơtrun pơgang klin Covid-19 dong mơn, amăng anun kiăng pơdơi abih bruă ngui ngor bơkơjăp drơi jăn. Tui anun, mơng 12 mông lơ 14/5, tơring čar Lâm Đồng amra pơdơi lu bruă ngui ngor ƀu kiăng. Bruă ngui ngor, adoh suang pơƀut ƀơi tơdron lăk, dơnao ia, đang bơnga ăt pơdơi abih mơn truh hrơi hơmâo tơlơi lăi glăi. Truh mông anai tơring čar Lâm Đồng aka ƀu hơmâo pô ƀă klin Covid-19 ôh. Khă hnun, bơi anăp tơlơi hŭi rơhyưt tui anai, Jơnum min mơnuih ƀon sang tơring čar kiăng djŏp gơnong bruă, anom bruă, khul grup hăng Jơnum min mơnuih ƀon sang tơring glông, plơi prong ngă tui tơlơi pơtrun mơng Gơnong dlông, Ping gah tơring čar hăng Jơnum min mơnuih ƀon sang tơring čar kơ hơdôm hơdră pơgang klin Covid-19.

Siu H’Mai: Pơblang