VOV4.Jarai - Ƀrô hrơi ngă lơphet 46 thun hrơi Pơklaih rơngai kual Dơnung, pơlir hơbit lŏn ia (30/4/1975 - 30/4/2021), mơguah lơ 29/4, Ping gah, Jơnum min pơ ala mơnuih ƀon sang, Jơnum min mơnuih ƀon sang, Jơnum min djŏp djuai ania mơnuih mơnam Việt Nam tơring čar Lâm Đồng pơphun yom bruă nao tŭi ñang kơ Tơhan djai pơsăn drơi kơ lŏn ia ta ƀơi Pơsat tơhan plơi prong Đà Lạt. Amăng hrơi mông kơdrưh kơang, hơdôm guang bơnga hiam hơmâo anăn “Hơdor na nao kơ Tơhan djai pơsăn drơi kơ lŏn ia” hăng hơdôm ƀĕ ñang tŭi hơŭ kơ ƀing tơhan sông kơtang djai pơsăn drơi amăng dua wơ̆t blah ayăt roh  mơng djuai ania ta hăng tơlơi pơpŭ bơni abih pran jua mơng Ping gah, gong gai hăng Mơnuih ƀon sang tơring čar Lâm Đồng hăng ƀing tơhan hơkrŭ sông kơtang, tơhan djai pơsăn drơi kơ lŏn ia, ƀing djai drơi pô pơgang ba tơlơi rơngai, tơlơi yâo mơak mơng Mơnuih ƀon sang. Tŏ tui mông dưm bơnga hăng tŭ ñang ƀơi Gong kut hơdor kơ tơhan, khua mua tơring čar hăng khua pơ ala hơmâo nao tŭi ñang ƀơi rim boh pơsat.

 Ƀing khua pơ ala dưm bơnga hăng tŭi ñang ƀơi Gong kut

Siu H’Mai: Pơblang