VOV4.Jarai - Truh mông anai, mrô prăk yua tuh pơ plai bruă hrom mơng Lâm Đồng phrâo pơsir hmâo 1.167 klai prăk, dưm dưm hăng 22% kơčăo bruă. Bơhmu hăng thun hlâo hrŏ trun 0,3%. Bôh than kaih pơsir prăk biă ñu yua kơ gun gah hră pơ-ar tuh pơplai, anih anom mă yua hăng sa dua dô̆ kaih mơng pô tuh pơplai, anom bruă man pơdŏng. Kiăng djru pơtrut đĭ kyar bơwih ƀong, Jơnum min mơnuih bôn sang tơring čar rơkâo hơdôm gơnong bruă, tơring glông, plơi prong pơsir dong prăk tuh pơlai mơng ngăn drăp kơnuk kơna thun 2021. Hrom hăng anun khom pơpha prăk kơ hơdôm ring bruă ƀu djơ̆ mrô prăk pơsir truh lơ 30/6/2021 rơbêh kơ 50% bơhmu hăng prăk dưi pơpha kơ rơwang bruă jao ƀudah ƀu djơ̆ hăng rơbêh kơ 30% bơhmu hăng mrô prăk pơpha kơ rơwang bruă phrâo pơphun pơdŏng, hơdai nao kơ hơdôm rơwang bruă hmâo mrô prăk pơsir lu. Hăng truh lơ 30/9/2021, ƀu pơpha kơčăo bruă prăk mă yua thun dơi kơ hơdôm rơwang bruă hmâo mrô bruă ngă tui ƀu djơ̆ hăng rơbêh kơ 30% bơhmu hăng mrô prăk pơpha. Dưi thâo, thun 2021 Lâm Đồng dưi jao abih bang prăk tuh pơplai bruă hrom rơbêh kơ 5.245 klai prăk./.

Siu H’ Prăk: Pô pơblang