VOV4.Jarai - Ding jum ia jrao brơi thâo, yap truh 6 mông tlam kơ 10/5 truh 6 mông mơguah lơ 11/5, Việt Nam hơmâo 28 čô mơnuih phrâo ƀă klin amăng dêh čar ta. Amăng anun hơmâo ha čô ƀơi Sang ia jrao Nhiệt đới Trung ương, 13 čô ƀơi Bắc Ninh, 7 čô ƀơi Vĩnh Phúc, 5 čô ƀơi Bắc Giang, 1 čô ƀơi Lạng Sơn hăng sa čô ƀơi Hải Dương. Yap truh 6 mông kơ 11.5, Việt Nam hơmâo abih bang 2.056 čô mơnuih ƀă kman amăng dêh čar, hăng 1.433 čô mơnuih ƀă kman mơng tač rơngiao mut rai. Mrô mơnuih ƀă phrâo yap mơng lơ 27/4 truh ră anai lĕ 486 čô. Yap truh 4 mông tlam lơ 10/5/2021, dêh čar ta hơmâo tlâ̆o vaccine pơgang Covid-19 tal sa hăng tal 2 hơmâo 892.454 liêu vaccine, dưm dưm hăng mrô 97%. Pô tlâ̆o hlâo jrao vaccine lĕ ƀing ơi ia jrao, mơnuih mă bruă gah ia jrao glăk dŏ pơjrao brơi ƀing ƀă kman Covid-19, ƀing ơi ia jrao mă drah pơčrang kman, ƀing hyu ĕp kru, mơnuih mă bruă amăng grup pơgang Covid-19, Anom bruă git gai pơgang klin, kông ang, ling tơhan.

Siu H’Mai: Pơblang