VOV4.Jarai - Mơguah lơ 17/5, ƀơi ƀirô mă bruă Khua pơ ala mơnuih ƀôn sang dêh čar ta, gah yŭ tơlơi git gai mơng Kơ-iăng Khua git gai wai lăng pơ ala mơnuih ƀôn sang dêh čar, Kơ-iăng Khua apăn bruă Khul ruah khua lŏn ia ta, Khua grŭp mơnuih mă bruă Trần Thanh Mẫn, Grŭp mơnuih mă bruă mơng Khul ruah khua lŏn ia pơphun mông jơnum kiăng hmư̆ hăng gum pơhiăp kơ bôh tơhnal bruă mă mơng Grŭp mơnuih mă bruă, Khul ruah khua lŏn ia mơng hrơi pơdŏng truh ră anai. Pơhiăp amăng mông jơnum, Kơ-iăng Khua git gai wai lăng pơ ala mơnuih ƀôn sang dêh čar, Kơ-iăng Khua apăn bruă Khul ruah khua lŏn ia ta, Khua grŭp mơnuih mă bruă Trần Thanh Mẫn brơi thâo, hơdôm bruă prăp lui kơ hrơi ruah khua hmâo pơphun laih hăng glăk pơphun tui djơ̆ tơlơi kiăng, kơčăo bruă ba tơbiă. Hrơi anai (18/5), Khul ruah khua lŏn ia ta amrra pơphun Jơnum lăng nao rai amăng tivi amăng đơ đam dêh čar, bruă jơnum lĕ kiăng tŭ ư hrom bôh yôm lăi pơthâo glăi mơng Grŭp mơnuih mă bruă kiăng lăi pơthâo glăi Khul ruah khua lŏn ia ta. Kơ-iăng Khua git gai wai lăng pơ ala mơnuih ƀôn sang dêh čar, Kơ-iăng Khua apăn bruă Khul ruah khua lŏn ia ta, Khua grŭp mơnuih mă bruă Trần Thanh Mẫn lăi rơđah, anai lĕ mông jơnum tal 2 mơng Grŭp mơnuih mă bruă, mông jơnum amra pơphun gum pơhiăp, bơkơtuai amăng hơdôm tơlơi yôm phăn pơ̆ anăp anai./.

Siu H’ Prăk: Pô pơblang