VOV4.Jarai - Tui hăng tơlơi lăi pơthâo glăi hră čih mrô pran bơkơtưn tơring čar PCI thun 2020 mơng Anom sĭ mơdrô Việt Nam phrâo lăi pơthâo, 4 amăng 5 bôh tơring čar Dăp Kơdư hmâo hrŏ trun mrô puang bơhmu hăng thun 2019. 3 bôh tơring čar Dăp Kơdư amăng ƀut dưi dăi ƀiă mơng thun 2019, hmâo 2 bôh tơring čar lê̆ trun ƀut hơnong ñu. 3 bôh tơring čar Dăp Kơdư hmâo abih bang puang mrô pran bơkơtưn prong, gah ƀut dưi dăi ƀiă thun 2019 lĕ Lâm Đồng, Gialai, hăng Daklak, thun anai, kơnong kơ hmâo Lâm Đồng dô̆ gơgrong ƀut anai, khă hmâo hrŏ trun 1,8 puang. Daklak hăng Gialai, hăng rơnoh hrŏ trun amăng ƀrư̆ 1.59 hăng 2.22 puang, hmâo trun laih ƀut hơnong ñu. Hăng Gialai, bôh than ba truh phun lĕ yua kơ Mrô bơwih brơi djru anom bơwih ƀong hmâo hrŏ trun hăng Mrô pơtô pơhrăm mơnuih mă bruă hrŏ. Ăt tui hăng tơlơi lăi pơthâo mơn mrô pran bơkơtưn gưl tơring čar thun 2020, Dăp Kơdư “ƀut hơnong ñu”. Amăng anun, tơring čar Daknông, sa tơring čar ƀơi Dăp Kơdư đĭ puang bơhmu hăng thun 2019, hăng rơnoh đĭ 1,46 puang, samơ̆ ăt dăp rơnuč mơn ƀơi kual hăng dăp tuč rơnuč amăng ƀut hơnong ñu mơng đơ đam dêh čar./.  

Siu H’ Prăk: Pô pơblang