VOV4.Jarai - Ƀơi Hà Nội, Khul pơlir hơbit mơnuih mă bruă Việt Nam phrâo pơphun ngă lơphet 135 thun hrơi Jar kmar pioh kơ mơnuih mă bruă (1/5/1886 -1/5/2021), pơphun Blan kông ñơn. Nao pơhmư̆ hăng pơhiăp ƀơi mông jơnum, Khua mir sir ơi Nguyễn Xuân Phúc lăi rơđah, amăng hrơi pơđĭ kyar bruă hơkrŭ Ping gah, Kơnuk kơna hăng mơnuih ƀon sang ta lêng lăng ba biă kơ ƀing kông ñơn, mơnuih mă bruă hăng anom bruă khul mut phung. Biă nu, tơdơi 30 thun pơplih phrâo, kông ñơn hăng mơnuih mă bruă glăk pơƀuh ƀô̆ ƀơi djŏp bruă mă, nao hlâo mă yua măi mok phrâo, pơplih phrâo lŏn ia hăng ngă tui tơlơi kiăng khăp mơng djuai ania ta. Khua mir sir bơni biă mă djŏp gưl khul mut phung mơnuih mă bruă hơmâo ngă tui klă tơlơi git gai mơng Khul apăn bruă Ping gah, lêng gir run, pơplih phrâo amăng djŏp bruă mă yôm, kiăng giăm 10 thun rơgao Blan kông ñơn jing hrơi ngui ngor prong mơng mơnuih mă bruă amăng dêh čar ta. Khua mir sir bơni biă kơ tơlơi pơčeh phrâo mơng ƀing hlăk ai, mơnuih mă bruă amăng dêh čar yua tơkơi kơjăp kơtang mơng anom bơwih ƀong, anom bruă kơnuk kơna hăng tơlơi pơđĭ kyar mơng lŏn ia. Laih dong git gai Khul mut phung mơnuih mă bruă kiăng tañ čih pơkra hơdră mă bruă mơng Khul mut phung Việt Nam ngă tui Tơlơi pơtrun Jơnum ping gah dêh čar tal 13 pơhlôm djơ̆ hăng boh thâo, tŭ yua.

Hrơi pơphun Blan kông ñơn, Blan ngă bruă rơnuk rơnua, hơdjă anih mă bruă thun 2021

Ƀơi mông ngă lơphet, pơ ala kơ Khul git gai ngă tui Blan mă bruă pơgang hơđong, rơnăk mă bruă Gơnong dlông, Khua ding jum Bruă mă Tơhan rơka hăng Mơnuih mơnam, ơi Đào Ngọc Dung hơmâo pơphun Blan ngă bruă pơgang hơđong, hơdjă rơnuk rơnua bruă mă thun 2021 hăng akŏ ñu “Kơtưn pơtong glăi, sem lăng hơdôm tơlơi či ngă, hơmâo tơlơi truh kơ anŏ hơđong, rơnăk lơ̆m mă bruă hăng ngă hrom rơnăk hơdjă rơnuk rơnua mă bruă mơ̆ng čơđai sang hră gưl prong” . Pok pơhai Blan ngă bruă pơhlôm hơđong mă bruă, rơnăk hơdjă thun 2021, Anom bruă Mơnuih tơpuôl Việt Nam git gai djop gưl anom bruă mơnuih tơpuôl kơtưn pơtô pơblang, pok pơhai lu bruă mă pơkơtưn nao rai mă bruă hăng pơđĭ tui boh tŭ yua amăng bruă mă kơ mơnuih abih bang mơnuih amăng bruă ngă hơđong, rơnăk hơdjă amăng bruă mă lir hơbit hăng bruă pơhlôm pơgang klin Covid 19. Hrom hăng anun, pơtrut kơtang bruă mă pơđĭ kyar mrô mơnuih mă bruă, anŏ tŭ yua klă hăng boh tŭ yua mơ̆ng khul pơgang rơnuk rơnua hơdjă čơđai sang hră gưl prong ƀơi djop sang bruă pơkra ming; apah bơni hmao kru kơ ƀing mơnuih mut phung, mơnuih mă bruă apah hơmâo tơlơi pơčeh phrâo, hơdră hiam djơ̆, bơblih phrâo anih mă bruă, pơđĭ tui boh tŭ yua kơ bruă mă hăng  pơhlôm hơđong rơnuk rơnua hơdjă mă bruă; Kơtưn bruă ngă hrom amăng bruă ĕp lăng, hyu sem, krăo lăng  anŏ hơđong hơdjă bruă mă.

Siu H’Mai - Nay Jek: Pơblang