VOV4.Jarai-Man pơkra atur tơmeh ngă gong dưm truă ačăng măi dar pơkĕ apui lơtrik hăng jua angin mrô 28 ƀơi sang măi apui lơtrik jua angin Dak N’drung 1, jua kơtang 50 MW, arăng tuh ƀêtông atur man pơdong tơmeh lơ̆m mơmŏt lơ 30/3. Anai lĕ 1 amăng 6 kơčăo bruă pơkra sang măi apui lơtrik dar pơkĕ hăng jua angin, dưi hơmâo Jơnum min mơnuih ƀôn sang tơring čar Dak Nông tŭ ư kĭ hră brơi tuh pơ alin man pơdong.

Blan 10/2020, 6 kơčăo bruă abih bang jua kơtang him lăng 430 MW, lêng kơ man pơkra ƀơi Dak Song soh, anih arăng lăi gêh găl pơkra sang măi apui lơtrik djuai anai tŭ yua. Rơnoh prăk tuh pơ alin abih 6 kơčăo bruă anai truh kơ 15 rơbâo klai prăk.

Him lăng abih thun 2021, abih 6 kơcăo bruă anun amra ngă giong hăng pơkĕ apui lơtrik, djru hrŏm ngă kơtang jua apui lơtrik dêh čar ta, ăt kah hăng djru ngă hơđong hnong apui lơtrik yua amăng tơring čar Dak Nông.

Nay Jek: Pơblang