VOV4.Jarai - Mơguah lơ 6/4, ƀơi Hà Nội, Grŭp Ping gah Jơnum min djop djuai ania mơnuih mơnam dêh čar Việt Nam pơphun jơnum lăi pơthâo tơlơi pơsit mơng Ding jum kơđi čar kơ bruă mơnuih apăn bruă. Kiăo tui anun, ơi Đỗ Văn Chiến, Khua git gai Ping gah, Khua git gai Grŭp mă bruă Ping gah, Khua ding jum, Khua Jơnum min djuai ania dêh čar Việt Nam ngă Khua git gai Grŭp Ping gah Jơnum min djop djuai ania mơnuih mơnam dêh čar Việt Nam rơwang bruă 2019-2024. Ding kơna Ding jum kơđi čar, Kơ-iăng Khua apăn bruă Khua pơ ala mơnuih ƀôn sang dêh čar ơi Trần Thanh Mẫn nao pơhmư̆. Hơ-ưč hmưi ơi Đỗ Văn Chiến dưi hmâo Ding jum kơđi čar ruah ngă Khua git gai Ping gah Khul Jơnum min djop djuai ania mơnuih mơnam dêh čar Việt Nam, ơi Trần Thanh Mẫn pơmin lĕ hăng bruă apăn phrâo, ơi Đỗ Văn Chiến amra gum hrom Grŭp Ping gah Jơnum min djop djuai ania mơnuih mơnam dêh čar Việt Nam ngă giong prong bruă hmâo ba tơbiă, ngă tui dong bruă mă mơng Jơnum min amăng rơnuk anai, djơ̆ hăng tơlơi đăo gơnang mơ̆ Ping gah, Kơnuk kơna hăng mơnuih ƀôn sang pioh kơ Jơnum min./.

Siu H’ Prăk: Pô pơblang