VOV4.Jarai - Mơguah lơ 12/4, 100% ding kơna amăng Jơnum min djop djuai ania mơnuih mơnam Việt Nam tŭ ư hăng bruă ruah ơi Đỗ Văn Chiến, Khua apăn bruă Ping gah dêh čar, Khua git gai Ping gah amăng Jơnum min djop djuai ania mơnuih mơnam Việt Nam mut mă bruă amăng Jơnum min, Khul khua git gai hăng ngă Khua Jơnum min djop djuai ania mơnuih mơnam Việt Nam tal 9, rơwang thun 2019-2024 plih hĭ ơi Trần Thanh Mẫn, Ding kơna Ding jum kơđi čar, Khua git gai Ping gah amăng grup, Khua Jơnum min djop djuai ania mơnuih mơnam Việt Nam, ơi Trần Thanh Mẫn amra jao bruă pơkŏn dong.

Đĭ pơhiăp amăng mông jơnum, ơi Đỗ Văn Chiến ƀuăn amra ƀu pơdơi hrăm kiăng kơ thâo rơgơi amăng bruă kơđi čar, hơdip hiam, đing tơnga hmư̆ arăng pơtô, laih abih pran jua kiăng kơ ngă pơgiong bruă jao, tŏ tui pok pơhai tŭ yua bruă jao mơng Jơnum min djop djuai ania mơnuih mơnam Việt Nam amăng tal plĕ hră ruah Khua pơ ala mơnuih ƀon sang dêh čar tal 15 hăng Khua khul pơ ala mơnuih ƀon sang djop gưl rơwang thun 2021-2026.

Siu Đoan: Pơblang