VOV4.Jarai-Lơ 5/4, ơi Nguyễn Phú Trọng Khua git gai ping gah dêh čar ta hơmâo pơhiăp telephôn bơkơtuai hăng Khua mir sir dêh čar Nga, ơi Vladimir Putin. Khua mir sir dêh čar Nga pơpŭ kơ bruă Jơnum ruah khua Ping gah dêh čar ta tal XIII tŭ yua hiam, bơni hơ-ơč kơ ơi Nguyễn Phú Trọng dưi ruah glăi ngă khua git gai ping gah dêh čar Việt Nam tal XIII.

Dua čô khua lăi pơtong, tơlơi ngă giăng mah rô nao rai Việt Nam hăng Nga hơmâo lu yak đĭ nao bơblih hiam klă djop bruă mă. Pơ anăp anai, dua bơnah ăt gir run hloh mơ̆n ngă tui lu hơdră pơtrut ngă hrŏm pơgang rơnuk rơnua hơđong, pơgang lŏn ia, djru kơ bruă apui lơtrik, ia jâo, bơwih ƀong huă, sĭ mơdrô, pơtô pơjuăt, tuai čuă ngui, djru amăng bruă kơsem min, pơkra ming ia jrao vaccine Covid 19 hăng ngă hrŏm gah bruă glông ping gah.

Nay Jek: Pơblang