VOV4.Jarai - Tlam lơ 5/4, Khuadêh čar ơi Phạm Minh Chính hơmâo đĭ pơhiăp, ƀuăn ƀơi hla kơ Dêh čar, ƀơi anăp Khua mua pơ ala mơnuih ƀon sang dêh čar hăng abih bang mơnuih ƀon sang. Hlâo kơ anun, hơmâo lu hră plĕ ruah, Khua pơ ala mơnuih ƀon sang dêh čar hơmâo pơsit ruah ơi Phạm Minh Chính ngă Khua dêh čar Cộng hoà xã hôị chủ nghiã Việt Nam. Pơhiăp ƀơi mông đĭ apăn bruă, Khua dêh čar ơi Phạm Minh Chính amra abih pran jua ngă bruă, găn rơgao tơlơi tơnap tap, tơlơi lông pơ anăp; hla tui, pơtrut đĭ gru grua hăng boh thâo yôm mơng ƀing Khua dêh čar djŏp rơnuk; gir gum hrŏm hăng ding kơna amăng Kơnuk kơna gum pơgôp, hơdip rơnôm, ngă bruă tơpă sit, ngă bruă khut khăt, tŭ yua, abih pran jua kơ Lŏn ia, bơwih brơi mơnuih ƀon sang, abih bang yua tơlơi klă hiam mơng Ping gah, mơng Lŏn ia, mơnuih ƀon sang. Kơnuk kơna hăng Khua dêh čar rơwang bruă anai hơmâo ngă mơdưh pran jua pơplih phrâo, hrưn đĭ hăng hơmâo lu tơlơi dưi ngă yôm, amăng abih bang bruă.

Siu H’Mai: Pơblang