VOV4.Jarai - Mơguah lơ 13/5, ƀơi Hà Nội, Anom bruă pơtô ba mơnuih ƀon sang dêh čar pơphun ngă lơphet lăi pơthâo tơlơi pơtrun mơng Ding jum kơđi čar kơ bruă  ruah, jao bruă ngă Kơ-iăng khua anom pơtô ba mơnuih ƀon sang. Ƀơi mông jơnum, Kơ-iăng khua anom pơphun bruă Ping gah Hà Ban lăi pơthâo tơlơi pơsit mơng Ding jum kơđi čar kơ bruă ruah, jao bruă ngă Kơ-iăng khua anom pơtô ba mơnuih ƀon sang dêh čar. Tui tơlơi pơsit, Ding kơna Ping gah ơi Phạm Tất Thắng lui hĭ ngă Kơ-iăng khua Jơnum min boh thâo gru grua, pơtô hrăm, hlăk ai čơđai anet mơng Ƀirô khua pơ ala mơnuih ƀon sang dêh čar tal 14, đĭ ngă Kơ-iăng khua anom pơtô ba mơnuih ƀon sang dêh čar. Pơhiăp ƀơi mông đĭ ngă khua, ơi Phạm Tất Thắng ƀuăn amra kơjăp pran bruă bruă, kơjăp kơđi čar; hrăm tui, djă bong tơlơi pơmin hiam, tơlơi hơdip hiam; gir ngă klă bruă hơmâo jao yua bruă hrŏm mơng Anom pơtô ba mơnuih ƀon sang hăng yua bruă iâu pơthưr, pơtô ba mơnuih ƀon sang mơng Ping gah.

Siu H’Mai: Pơblang