VOV4.Jarai - Tlam lơ 23/4, Grup wai lăng, pel ĕp bruă ruah khua pơ ala mơnuih ƀon sang dêh čar tal 15 hăng Khua Jơnum min pơ ala mơnuih ƀon sang djŏp gưl rơwang thun 2021-2026 yua ơi Trần Thanh Mẫn, Ding kơna Ding jum kơđi čar, Kơ-iăng khua git gai pơ ala mơnuih ƀon sang dêh čar, Kơ-iăng khua apăn bruă Jơnum min ruah khua dêh čar ngă Khua grup hơmâo mông ngă bruă hăng tơring čar Hậu Giang. Pơhiăp ƀơi mông ngă bruă, ơi Trần Thanh Mẫn hơ-ơč hmưi kơ hơdôm tơlơi mơ̆ tơring čar Hậu Giang dưi ngă amăng bruă pơđĭ kyar bơwih ƀong huă - mơnuih mơnam, man pơdong plơi pla phrâo, pơhrui prăk kơnuk kơna, pơđĭ kyar anih anom mơng plơi prong truh pơ plơi pla; bơni biă mă kơ hơdôm tơlơi dưi ngă mơng tơring čar amăng bruă prăp lui mông ruah khua. Ơi Trần Thanh Mẫn lăi, anai lĕ tal jơnum kơđi čar yôm phăn yua dah djŏp bruă mă bơdjơ̆ nao ruah khua, tơring čar Hậu Giang kiăng ngă klă, pơhlôm tơlơi dưi mơnuih ƀon sang, djơ̆ tơlơi phiăn, rơnuk rơnua, thâo pơkrem, bruă pơgang klin Covid-19 khŏm kiăng ngă kơjăp, ƀu dưi pơ-ai ôh.

Mông ngă bruă.

Siu H’Mai: Pơblang